İncə ipəkdən hazırlanmış maykalar, organik pambıqdan hazırlanmış bokser alt geyimi və krujevadan hazırlanmış bralet – geyindiyimiz zaman birbaşa dərimizə təmas edən paltarlar xüsusilə yüksək keyfiyyətli, yumşaq və nəfəs alan olmalıdır. Lakin, xüsusilə bu parçalar daha həssas olsalar da, adətən alt paltarları daha qısa intervallarla yuyulur. Biz sizə incə alt paltarlarını hətta bir neçə dəfə yumadan sonra hələ də necə yeni kimi görünməsini öyrədəcəyik.
Əgər alt paltarını yumaq istəyirsinizsə, o zaman proses boyu bir sıra problemlərlə üzləşməlisiniz:
Alt paltarının birbaşa dəriyə təmas etdiyindən, yuma yalnız tər və ləkələri deyil, həm də bakteriyaları hərtərəfli təmizləməlidir.
Gündəlik pambıq alt paltarı və ya incə krujeva alt paltarı – alt paltarında çeşid genişdir və hər parça eyni miqdara dözə bilmir. Buna görə də paltaryuyan maşın hər alt paltarı üçün uyğun deyil.
Biz alt paltarlarını tez-tez yumağa meyilliyik: biz hər gün şort və üçbucaq şəkilli alt paltarlarını dəyişirik, büstqalterləri isə adətən ən geci dörd-beş dəfə geyindikdən sonra dəyişirik. Belə ki, bütün geyimlər arasında alt paltarları ən çox paltaryuyan maşında fırlanır. Uzun müddət sizə xidmət etməsi üçün, bütün hər şeyin nəzərə alınmasına baymayaraq, yenə də mümkün qədər diqqətlə təmizlənməlidir.
Hər fərdi vəziyyət zamanı ona qulluq böyük dərəcədə materialdan asılıdır. Xüsusən tuman və büstqalterlərdəki yuyulma təlimatları qeyd olunan etiketlər rahatlığa uduzurlar və buna görə də onlar sadəcə kəsilir. Belə hallarda, temperatur və yuma proqramı baxımından aşağıdakı qaydalara əməl etməlisiniz:
Pambıq bokser və üçbucaqşəkilli alt paltarı və maykaları paltaryuyan maşında asanlıqla yumaq olar. Rəngli çamaşırlar üçün, çirklənmə dərəcəsindən asılı olaraq 40 ilə 60 °C arasında temperatur seçin və uyğun rəng qoruyucu funksiyalı yuyucu vasitələrdən istifadə edin. Siz həmçinin ağ pambıq alt paltarlarını qaynadaraq yuya bilərsiniz, lakin bu halda belə, adətən 40–60 °C kifayətdir.
Viskozadan və ya krujevadan olan zərif parçalar o qədər də dözümlü olmur: bunlar üçün həssas yuma proqramında yuma rejimini 40 °C-yə qurmalı və onları uyğun yumşaq yuyucu vasitə ilə yumalısnız. Bütün bakteriya və qoxuların etibarlı şəkildə aradan qaldırılmasını təmin etmək üçün xüsusi gigiyenik yaxalama vasitələri mövcuddur. Onlar antibakterial təsir göstərirlər və ya qoxuları neytrallaşdırırlar. Quruducu belə incə alt paltarları üçün həmişə tabu olmalıdır.
Xüsusən zərif parçalar – məsələn, xalis ipəkdən hazırlanmış alt paltarları əl ilə yuyulmalıdır. Bu məqsədlə paltarı bir neçə dəqiqə ilıq su və bir qədər (antibakterial) maye yuyucu vasitədə islağa qoyun. Sonra təmiz, soyuq su ilə yuyun və məsləhət olunur ki, dəsmalın üzərinə qoyaraq havada qurudun.
Funksional və idman alt paltarlarının həm təmiz olması, həm tər udma və temperatur balanslaşdırma xüsusiyyətlərini qoruyub saxlaması üçün xüsusi qulluq tələb edir. Aşağı temperaturda və sürətdə və xüsusi idman paltarları üçün olan yuyucu vasitələrdən istifadə etdikdə idman geyimlərinin su keçirməyən membranı bütöv qalır.
İdman geyimlərini maşında yuyan zaman yumşaldıcı əlavə etmək olmaz. Digər tərəfdən, normal alt paltarını yuyursunuzsa və onun tərkibində pambıq varsa, yumuşaldıcı onu geyinmək üçün daha rahat edir.
Büstqalterlər adətən maşında yuyula bilər – 30 ilə 40 °C arasında temperatur kifayət edir. Bununla belə, qoruyucu torba olmadan büstqalterləri barabana qoymayın: altdan məftilli büstqalterlər üçün xüsusi yuma torbası məftillərin boşalmasının və paltaryuyan maşının və ya digər çamaşırların zədələnməsinin qarşısını alır. Yumazdan əvvəl həmişə qarmaqları bağlayın. Printli və ya naxışlı alt paltarları da paltar torbasına yerləşdirilə bilər və həmçinin tərs üzünə çevrilməlidir – bu, zərif dekorasiyaları yeyilmədən və köhnəlmədən qoruyur.